Парақор президент: 78 жастағы Корея басшысы Ли Мен Бак сотталды Сеулдің апелляциялық соты Оңтүстік Кореяның бұрынғы президенті Ли Мён Бакты парақорлық және жемқорлық фактілері бойынша 17 жылға бас бостандығынан айырды.

78 жастағы саясаткер өз өкілеттігін асыра пайдаланып, жемқорлыққа барғаны анықталған. Бұған дейін ол он бес жылға сотталып, денсаулық жағдайына байланысты үйқамақта отырған еді. Бұл туралы «Рёнхап» басылымы арнайы ақпарат таратты.

Ли Оңтүстік Кореяны 2008-2013 жылдар аралығында басқарған болатын. Сот президенттің көлік зауытын заңсыз басқарғаны, оны өз ағасының атына жазып, пайданы тең бөлгенін дәлелдеп шықты. Сонымен қатар оның Ұлттық Қордың $9,3 млн қаржысын жымқырғаны анықталған.

 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған