Фото: Данияр Тәжімбет

Спорттық іс-шараның мақсаты – жастарды патриотизмге тәрбиелеу, білім беру мекемелерінде спорттық және бұқаралық жұмыстарды ұйымдастыру, жастар арасында салауатты өмір салтын насихаттау.

Фото: Данияр Тәжімбет

«Спартак» футбол алаңында болған турнир мини-футбол жүйесі негізінде 5+1 форматында өтті. Теңбіл доп жарысына жоғары оқу орындарынан жасақталған 16 команда қатысты.

Фото: Данияр Тәжімбет

Ашылу салтанатында «Жастар Үні» жастар қоғамдық бірлестігінің атқарушы директоры Асхат Қасенғали: «Бүгінгі футбол турнирі жастардың арасында салауатты өмір салтын қалыптастыруға, оларды патриотизм рухында тәрбиелеуге және студенттік футболды насихаттауға бағытталған. Турнирға Алматыдағы жоғары оқу орындарынан жасақталған 16 команда қатысады. Турнирдің абыроймен өтетініне сенімдімін. Турнирді ашық деп жариялаймын! Командаларға сәттілік тілеймін!», – деп турнирдің қатысушыларын құттықтап сөз сөйледі.

Фото: Данияр Тәжімбет

Бірнеше сағатқа созылған турнирдің жеңімпазы «Ақтөбе» футбол командасы атанып, 500 000 мың теңге қаржылай сыйлықпен марапатталды. Ал екінші орынды «Бақанас», үшінші орынды «LEICESTER» футбол командалары қанжығаларына байлады. Аталған жарыс жеңімпаздары 300 000 мың және 200 000 мың теңге қаржылай сыйлықтармен марапатталды.

Фото: Данияр Тәжімбет

Сондай-ақ, турнирге қатысушы жастар сумен, тамақпен қамтамасыз етілді.

Фото: Данияр Тәжімбет

Пікір үстеу

Э-пошта мекенжайыңыз жарияланбайды. Міндетті өрістер * таңбаланған