Республика алаңындағы СҮЙІС жарысының көксегені не?!

Жарияланды at 15.02.2016
3079 15

   14 ақпан өтіп кетсе де, жаңғырығы әлі күнге дейін естіліп тұр. «Валентин күні» деп аталатын қазаққа жат мейрамсымақтың қазақ халқының салт-дәстүрі мен діліне, дініне қарама-қайшы келетіндігі айтпаса да түсінікті жайт. Соған қарамастан бұл мейрамға ресми түрде тыйым салудың орнына оны қоғамдағы белгілі бір топ өкілдерінің қолдап жатқаны қалай?

    Білдей бір Республика алаңында қолдан ұстауға ұялып, сезімін ашық білдіруге қымсынатын кешегі өткен ұлы бабаларымыздың ұрпағы, ұятта болса айтайық, еріндері жабысқанша сүйіскендігі неткен масқаралық?! Мұндай конкурсты ұйымдастырғандар да, қатысқандар да, қазақ ұлының ұлылығын, қазақ қызының ұяңдығын жоққа шығарып, халқымызға тән емес мейрамды насихаттағаны барып тұрған бассыздық! Тіпті бұл мейрамға 3 миллион қаражатын жұмсап, ел алдында бейәдеп қылық көрсетіп, тоқтамай сүйіскендерге құны 243 долларлық сыйлық беруінің астарында махаббатты қолдау емес, қорлау жатқанын анықтап қарасаңыз түсінерсіз. Ойын-сауық орталықтарында тегін сыйлықтар таратылып, бұл күннің жоғары деңгейде насихатталып жатқаныны келешек ұрпақ үшін аса қауіпті процесс. Сонымен қатар, жетімі жылап, жесірі қиналған сәтте табылмай қалатын қаражат құрғырдың, «Валентин күні» дегенде табыла қалғаны көңіліме күдік ұялатады. Ақиқат біреу: Валентиннің бетпердесінде қаймағы бұзылмаған қазақы тәрбиені жойып, ұлы қазақ деген халықты азғындау жатыр! Бүгінгі қоқысқа тасталған сәби мен айырылысқан мыңдаған отбасылар осындай мейрамсымақтардың алғашқы жемісі.

     Қазақ үшін «махаббат» деген өте ұлы сезім болған, солай болып қала беруі тиіс те! Көпшіліктің алдында сүйіспек түгелі, қос ғашықтың жанары кездейсоқ түйісіп қалғанның өзінен бет қызаратын халықтың ұрпағымыз. Қос ғашыққа ғана тән, қос жүректің сырын күллі әлемге паш ету – ұлы сезімнің ұлылығын азайтары анық. Бүгін ел алдында сүйіскеннен қымсынбайтын ұрпақ, ертең одан да сорақы қылыққа бармасына кім кепіл?! Сөзім дәйексіз десеңіз, біржыныстылар көп елдердің тарихына назар аударып көріңіз. Сондықтан мұндай конкурстарды ұйымдастыруға ендігі таңда ешқашан жол бермеуіміз керек. Бүгін бұл конкурсты, бұл мейрамсымақты қолдаған жанның, ертең ұрпағының азғындалғынын көретіні ақиқат!

Асхат Қасенғали

comments powered by HyperComments

Arhar

Ақиқат бізден, төрелік сізден!

Ұқсас жаңалықтар

Зина жасаған қызға үйлене алам ба?

Жарияланды - 22.02.2017 0
Әссәләмуғалейкум! Бір қыз бірнеше рет зина жасаған екен. Сол қызды намазхан бауырымыз өзіне қалыңдық еткісі келеді. Ол әрекеті күнә емес…

Қазақстан-Ауғанстан: жаңа буын диалогі

Жарияланды - 14.04.2016 0
   Дәл осындай атаумен еліміздің оңтүстік астанасында 13-сәуір күні керемет жиын өтті. «Қазақстан» қонақ үйінде Қазақстан тарапы мен Ауғанстаннан келген…
Асқар
2016-02-15 13:32:59
Валентин күні - ол христиандардың мейрамы. Бұл мерекеге мұсылмандарға жат. Шынымен ойынды ұйымдастырған өзіміздің қазақтарымыз ба? Егер солай болса онда ол өте ұятты нәрсе.
Aiymka
2016-02-15 14:14:13
иа қазақтар, билік қазақ қоғамын жақсартудың орнына, айға бата беріп отыр ма, не қарап отыр?
Хамит
2016-02-15 14:15:39
мен тойлаймын, онда тұрған не бар, қуа бермеңдерши
Айшуақ
2016-02-15 14:48:17
Расын айтқанда бұл мерекені мектепте оқып жүргенде тойладық. Бірақ ол кезде бізге қызық болатын. Сіз жазғандай өбісіп-өліспесек те, открытка алғанға мәз едік. И то ұлдар ғана емес, подружкаларымыз да открытка беретін. Соңында кім көп алды деп санап жарысатынбыз. Бірақ қазір бұл мерекенің астарын түсінген соң ба, әлде тым есейіп кеттік пе, 14 ақпанды мереке деп қарамаймын.
Асар
2016-02-15 14:54:39
Хамит молодец!!!
Арман
2016-02-15 14:55:50
Онда турган не бар ваще?! Жай настроени көтеру ғой, отырып алып сразу жерден алып жерге салуга мастер екенсіңдер!!!
Досбол
2016-02-15 14:57:06
Бұлардың бәрі айтып айтып қоя беред,, өздері де сылтауратып қыздарына подарка жасауға асығады....болмай баратса қыздары заставить етед подарка жасатуына дұрыс па?)
Досбол
2016-02-15 15:00:13
Базар жоқ айттын Арман келісем
Канат
2016-02-15 15:21:26
Әрине, қазақ үшін "махаббат" деген ұлы сезім. 15 сәуір күні өзіміздің "Қозы көрпеш Баян сұлу" мерекемізді тойлауымыз керек. Уақыт өте, 14 ақпан күні біз үшін жай күн болып қалатынына сенімдімін.
Кузя
2016-02-15 15:26:46
Суйіскен кайф кой, олда керек дүние
Ерқанат
2016-02-15 15:28:49
15 сәуір бірінші рет естуім) )қызымды осы күні құттықтасам түсінбей қалатын шығар
Ілияс
2016-02-15 15:44:39
әр адам әр қалай түсіне бірақ бұған бола осынша мақала жазып және осыған бола жанжалдасудың қажеті жоқ біреулер тойласын біреулер тойламайақ қойсын болды емеспе
Сағи
2016-02-15 16:43:24
Илияс, түсінбедім сени?! Бүгін бұған тыйым салмай маған бәрібір десең, ертең өз туған қызыңның сол жерде жабысып тұрғанын көретін боласың, так что оттама
Жазира
2016-02-15 17:00:28
Шынында да біз өзіміздің ұлттық салт-дәстүрімізді қастерлеп, жастарға дұрыс тәрбие беруіміз керек. Бұқаралық ақпарат құралдары 15-сәуір Қозы көрпеш-Баян сұлу күнін кеңінен насихаттау керек деп ойлаймын
Алмас
2016-02-15 17:51:02
Сағидің пікіріне қосылам, қажеті жоқ шараларға уақытылы тыйым салынуы тиіс